Baraza la Wawakilishi

Barua Pepe

Taarifa ya shughuli za Mkutano wa 16 wa Baraza la Kumi la Wawakilishi

Posted on: 10.09.2024

Mkutano wa Kumi na Sita wa Baraza la Kumi la Wawakilishi Zanzibar unatarajiwa kuanza siku ya Jumatano tarehe 11 Septemba, 2024, saa 3:00 asubuhi.

SHUGHULI ZA BARAZA:

Shughuli za Mkutano huo zitakuwa kama ifuatavyo:-
1. Maswali na Majibu.

Afisi ya Baraza la Wawakilishi imepokea na kuratibu maswali 280 kwa ajili ya Mkutano huu.

2. Ripoti za Wizara zote za Serikali ya Mapinduzi ya Zanzibar kuhusu utekelezaji wa Maagizo ya Kamati za Kudumu za Baraza kwa mwaka 2023/2024.

3. Mswada wa Sheria.

Mswada mmoja uliosomwa kwa mara ya kwanza katika Mkutano wa Kumi na Tano utajadiliwa katika mkutano huu. Mswada wenyewe ni:-

Mswada wa Sheria ya Kuanzisha Taasisi ya Utafiti wa Kilimo na Mifugo na Mambo Mengine Yanayohusiana na Hayo.